“Sony Ericsson” fəaliyyətini dayandırıb
ABŞ konqresmeni Xocalı faciəsinin ildönümü ilə bağlı bəyanatla çıxış edib
ABŞ pilotsuz təyyarəsi Pakistanda 13 silahlını məhv edib
“Sony Ericsson” fəaliyyətini dayandırıb
“Sony” korporasiyası bu gün “Sony Ericsson” birgə müəssisəsində “Ericsson” şirkətinin malik olduğu 50 faizlik payın 1,05 milyard avroya alınmasına dair sazişin başa çatmasını elan edib. “Sony Ericsson” bundan sonra “Sony Mobile Communications” adlandırılacaq və mobil qurğular istehsalını davam etdirərək “Sony”nin tərkibində bölmələrdən biri olacaq. Mənzil-qərargahı Londonda (Böyük Britaniya) yerləşən şirkətin 8000 minə yaxın əməkdaşı var. Bundan başqa, prezident və icraçı direktor vəzifəsini əvvəllər “Sony Ericsson”a rəhbərlik etmiş Bert Nordberq yerinə yetirəcək. Yaponiya korporasiyasının istehsalı olan “Sony” brendli ilk qurğuların fevralda Barselonada keçiriləcək “Mobile World Congress” 2012 sərgisində nümayiş ediləcəyi gözlənilir.
ABŞ konqresmeni Xocalı faciəsinin ildönümü ilə bağlı bəyanatla çıxış edib
ABŞ Konqresində Tennesi ştatının demokrat təmsilçisi Stiv Koen Nümayəndələr Palatasında Xocalı qırğınının 20-ci ildönümünü anan bəyanatla çıxış edib. “AzərTac”ın verdiyi xəbərə görə, konqresmen bildirib ki, faciənin ildönümü Ermənistan-Azərbaycan, Dağlıq Qarabağ münaqişəsinin həlli üçün səylərin artırılması zərurətini xatırladır. O, öz ölkəsini, Minsk qrupunun həmsədri kimi, bu uzunmüddətli münaqişənin nizamlanması ilə ciddi məşğul olmağa çağırıb. Stiv Koen Konqresdəki həmkarlarını dünyanın mürəkkəb və strateji baxımdan əhəmiyyətli bölgəsində ABŞ-ın güclü müttəfiqi olan Azərbaycandakı dostlarla birlikdə Xocalı faciəsini anmağa çağırıb. Konqresmen bildirib ki, 1992-ci il fevralın 25-26-da Azərbaycanın Dağlıq Qarabağ bölgəsində yerləşən Xocalı şəhərində erməni silahlı qüvvələri tərəfindən Azərbaycan mənşəli mülki vətəndaşlara qarşı ən böyük qırğın törədilib. Nə vaxtsa yeddi minlik əhalisi olan Xocalı şəhəri erməni silahlı qüvvələri tərəfindən tamamilə yerlə-yeksan edilib, 106-sı qadın, 83-ü uşaq olmaqla 613 nəfər qətlə yetirilib. Onların 56 nəfəri xüsusi qəddarlıq və işgəncə ilə öldürülüb. 1.275 nəfər əsir götürülüb, 150 nəfər itkin düşüb, 76-sı azyaşlı uşaq olmaqla, 487 nəfər əlilə çevrilib. 8 ailə tamamilə məhv edilib, 25 uşaq hər iki valideynini itirib, 130-u isə ən azı bir valideyndən mərhum edilib. S.Koen faciənin dəhşətli təfsilatları haqda danışarkən, o zaman hadisə barədə yazan, ABŞ-ın “Newsweek”, “Times” jurnallarına, eləcə də Rusiyanın “Memorial” təşkilatının məlumatlarına istinad edib. Konqresmen deyib ki, Xocalı əhalisinin bir qismi hücum baş verən ərazisindən çıxmaq istəyərkən pusquya düşmüş və vəhşi işgəncələrlə öldürülüblər. Konqresmen ermənilər tərəfindən qadın, uşaq və yaşlı insanlara qarşı istifadə edilən zorakılıq və işgəncələri “təsviredilməz” adlandırıb.
ABŞ pilotsuz təyyarəsi Pakistanda 13 silahlını məhv edib
ABŞ-ın pilotsuz təyyarəsi Pakistanın şimal-qərbində Tayfalar zonasında aralarında 8 özbək radikal islamçı olmaqla azı 13 silahlını məhv edib. İlk hücumla pilotsuz təyyarə Şimali Vəziristandakı Mir Əli şəhərində bir avtomobilə endirdiyi zərbə ilə 5 silahlı məhv edib. Sonradan Miranşah şəhərindəki evə endirilən zərbə ilə 8 silahlı zərərləşdirilib. Qeyd edək ki, Tayfalar zonası Pakistanın xüsusi bölgəsidir. Burada federal qanunlar işləmir və polisin səlahiyyətləri yoxdur. Hazırda Zonada Pakistana tabe olan 7 mini-dövlət yerləşir: Bacaur, Mohmənd, Xeybər, Kürrəm, Orakzay, Şimali və Cənubi Vəziristan. Bu zonada bir necə radikal islam qruplaşmalarının silahlıları sığınaq tapıblar. Onlar qonşu Əfqanıstandakı rejimə və Pakistan hökumətinə qarşı mübarizə aparırlar
Video
![](/modules/mod_raxo_allmode/tools/tb.php?src=/images/stories/23iyun/mirbir seyidzad.jpg&w=200&h=150&zc=1 ""Şəhid Milli Qəhrəmanların ailə üzvlərinin ciddi problemləri yoxdur"")
